2010, ഏപ്രിൽ 19, തിങ്കളാഴ്‌ച

ബാധ ഒഴിയാത്ത സുബൈദ..!!

ടിഞ്ഞാറെ പറമ്പിലെ സുബൈദാന്‍റെ പൂവന്‍കോഴി സുബ്ഹി ബാങ്ക് കൊടുക്കന്നതിനു മുന്‍പെ കൂവി. ! കുഞ്ഞാലന്‍കാക്ക അലുമിനിയ കലവും എടുത്ത് പശുവിന്‍റെ അടുത്ത് ചെന്നു അകിടില്‍ വെള്ളം തെളിച്ച് പാല്‍ കറക്കാന്‍ തുടങ്ങി..! സുബൈദ എഴുന്നേറ്റ് കലക്കി വെച്ച അരിമാവെടുത്ത് ചട്ടിയില്‍ ഒഴിച്ചു . മറ്റൊരു അടുപ്പില്‍ കടലക്കറിക്കുള്ള പാത്രം കയറ്റി വെച്ചു.!!

കുഞ്ഞാലന്‍കാക്കയ്ക്ക് വീടിന്‍റെ മുന്‍പില്‍ തന്നെ ഒരു ചായക്കടയുണ്ട്. ജന്‍മനാല്‍ വലതു കാല്‍ ഇടതുകാലിനേക്കാള്‍ അല്‍പ്പം നീളം കുറവായതുകൊണ്ട് നൊണ്ടികുഞ്ഞാലന്‍ എന്ന ഇരട്ട പേരിലാണ് നാട്ടില്‍ അറിയപ്പെടുന്നത്.!! കുഞ്ഞാലന്‍ കാക്കയേക്കാള്‍ വളരെ ചെറുപ്പമാണ് സുബൈദ. കുഞ്ഞാലന്‍കാക്കയുടെ ആദ്യഭാര്യ പാത്തുട്ടിതാത്ത പശുവിന്‍റെ ചവിട്ടുകൊണ്ട് അരക്കു താഴെ തളര്‍ന്ന് കിടന്നപ്പോള്‍ അവരെ ശുശ്രൂഷിക്കാന്‍ വന്ന അകന്ന ബന്ധത്തില്‍ പെട്ട സുബൈദ ഇടയില്‍ എന്നോ കുഞ്ഞാലന്‍കാക്കയുടെ ഭാര്യയായത് നാട്ടുകാര്‍ അറിഞ്ഞത് രായീന്‍ മൊല്ലാക്ക നിക്കാഹ് ചൊല്ലികൊടുത്തപ്പോഴാണ്.!! സുബൈദായെ കെട്ടി മധുവിധു ആഘോഷിക്കുന്ന നാളില്‍ പാവം പാത്തുട്ടിതാത്ത ഇഹലോകവാസം വെടിഞ്ഞത് കുഞ്ഞാലന്‍കാക്ക അറിഞ്ഞത് ബസ്സ്ക്ലീനര്‍ ഗോപി പാലക്കാട് ഹോട്ടലില്‍ വെച്ച് കണ്ടപ്പോള്‍ പറഞ്ഞത്കൊണ്ടാണ്.!! അന്ന് സുബൈദയെയും കൂട്ടി കുഞ്ഞാലന്‍കാക്ക മലമ്പുഴ ഡാം കാണാന്‍ പോയതായിരുന്നു.!! പാത്തുട്ടിതാത്തയില്‍ കുഞ്ഞാലന്‍ കാക്കയ്ക്ക് ഒരു മകനുണ്ടായിരുന്നു മന്‍സൂര്‍.!! എളാമ സുബൈദയുടെ ഉപദ്രവം സഹിക്കവയ്യാതായപ്പോള്‍ ചായക്കടയില്‍ നിന്നും അഞ്ഞൂറിന്‍റെ ഒരു നോട്ടും അടിച്ച് മാറ്റി അവന്‍ നാട് വിട്ടതാണ്.!! ഇപ്പോള്‍ ജീവിച്ചിരിപ്പുണ്ടോ ഇല്ലയോ എന്ന് ആര്‍ക്കും അറിയില്ല ആരും അന്വേഷിച്ചിട്ടും ഇല്ല..!! സുബൈദാക്ക് കുട്ടികളുണ്ടായിട്ടില്ല .!! കുഞ്ഞാലന്‍കക്കായുടെ കുഴപ്പം കൊണ്ടാണ് കുട്ടികളുണ്ടാവത്തത് എന്ന് സുബൈദ ചിലരോടെല്ലാം സ്വകാര്യമായി പറയാറുണ്ടെങ്കിലും അലക്കുകാരി ജാനു നാട്ടില്‍ പറഞ്ഞു നടക്കുന്നത് സുബൈദ മച്ചിയാ അവളു പെറൂലാ എന്നാണ്...!! അതിന് തെളിവായി പറയുന്നത് കുഞ്ഞലന്‍കാക്കയ്ക്ക് ഒരു മകന്‍ മുന്‍പ് ഉണ്ടായിട്ടുണ്ടല്ലോ എന്നാണ്.!!

11111 സുബൈദയുടെ മൊഞ്ചും കൊഞ്ചലും കാരണം കടയില്‍ സാമന്യം നല്ല കച്ചവടം നടക്കാറുണ്ട്.! അമ്പതിനും എഴുപതിനും ഇടയില്‍ പ്രായമുള്ള പത്ത് പന്ത്രണ്ട് സ്ഥിരം കസ്റ്റമര്‍, പിന്നെ ഓട്ടോറിക്ഷാ സ്റ്റാന്‍റിലെ ചെറുപ്പക്കാരായ ഡ്രൈവര്‍മാര്‍. ഇവരെല്ലാം ചോറ് തിന്നുന്ന കൈകൊണ്ട് കോഴിയെ ആട്ടിയ പോലെ ചായക്കടയുടെ ചുറ്റുവട്ടത്തു തന്നെ ചുറ്റിപറ്റിയുണ്ടാവും.!! കുഞ്ഞാലന്‍കാക്ക കച്ചവടം മുടങ്ങരുതല്ലോ എന്നു കരുതി ആരെയും പിണക്കാനും പോവാറില്ല. !!

പതിവു പോലെ ഒരു ദിവസം സുബൈദയുടെ കോഴി അതിന്‍റെ സമയം ആയപ്പോള്‍ കൂവിയെങ്കിലും സുബൈദ കിടക്കപ്പായയില്‍ നിന്നും എഴുന്നേറ്റില്ല. കുഞ്ഞാലന്‍കാക്ക പശുവിനെ കറന്ന് പാലുമായി കടയില്‍ കയറിയിട്ടും സുബൈദയെ കാണാത്തത് കൊണ്ട് വീടിനകത്തേക്ക് കയറി. പായയില്‍ മൂടി പുതച്ച് കിടയ്ക്കുന്ന സുബൈദയുടെ അടുത്ത് ചെന്നു വിളിച്ചു. സുബൈദ മുരണ്ട്കൊണ്ട് വിളികേട്ടു കുഞ്ഞാലന്‍കാക്ക പുതപ്പ് മാറ്റി സുബൈദയുടെ നെറ്റിയില്‍ കൈവെച്ചു നോക്കി. അടുപ്പത്തിരിക്കുന്ന പൊറോട്ടക്കല്ലില്‍ തെട്ടത് പോലെ കുഞ്ഞാലന്‍കാക്ക പെട്ടന്ന് കൈ പിറകിലേക്ക് വലിച്ചു. പൊള്ളുന്ന പനി.!! കുഞ്ഞാലന്‍കാക്ക ഒരു ചുക്കുകാപ്പിയുണ്ടാക്കി സുബൈദാക്ക് കൊടുത്തു. വിക്സെടുത്ത് നെറ്റിയിലും കഴുത്തിലും പുരട്ടി കൊടുത്തു. നാണു വൈദ്യരുടെ അവിടന്നു പച്ചമരുന്നു വാങ്ങി കൊണ്ട് വന്നു ആട്ടിന്‍ പാലില്‍ ചാലിച്ചു കൊടുത്തു. എന്നിട്ടും പനിക്ക് കുറവുണ്ടായില്ല . പനി മൂത്ത് സുബൈദ പിച്ചും പേയും പറയാന്‍ തുടങ്ങി അത് പിന്നെ പിന്നെ ബാധ കയറിയപോലെ കൂവലും തേങ്ങലുമായി മാറി. കുഞ്ഞാലന്‍കാക്ക പല വിധ ചികിത്സകളും നോക്കി.!! ഒരു കുറവും ഇല്ല.!!

ചാമ്പക്ക പോലെ നിറവും തുടിപ്പുണ്ടായിരുന്ന സുബൈദ ഉപ്പിലിട്ട കണ്ണിമാങ്ങ പോലയായി.!! ചായകടയിലെ കച്ചവടം കുറയാന്‍ തുടങ്ങി .!! ചില സമയങ്ങളില്‍ ചായകട തുറക്കതെയായി. അലോപൊതി മരുന്നുകൊണ്ടും ആയൂര്‍വേദ മരുന്നു കൊണ്ടും ഫലമില്ലാ എന്നു കണ്ടപ്പോള്‍ കുഞ്ഞാലന്‍കാക്ക സുബൈദാനെയും കൊണ്ട് വീരാന്‍പാപ്പാനെ കാണാന്‍ പോയി.!!

വീരാന്‍പാപ്പ നാട്ടിലെ അറിയപ്പെടുന്ന സിദ്ധനാണ്..!! മന്ത്രത്തെക്കാള്‍ ഏറെ തന്ത്രം കൊണ്ടാണ് വീരാന്‍പാപ്പ ആളുകള്‍ക്കിടയില്‍ നിന്നും സ്വന്തം തടി സലാമത്താക്കുന്നത്.!! എട്ട് പത്ത് കൊല്ലം ഗള്‍ഫില്‍ നിന്നിട്ടും ക്ലച്ച് പിടിക്കാതായപ്പോള്‍ മന്ത്രവാദ ചികിത്സയും ബാധ ഒഴിപ്പിക്കലുമാണ് കാശുണ്ടാക്കാനുള്ള എളുപ്പ വഴി എന്നു തിരിച്ചറിഞ്ഞ് നാട്ടില്‍ തന്നെ കൂടിയതാണ്.!! ഗള്‍ഫില്‍ പത്തു കൊല്ലം നിന്നിട്ടും ഉണ്ടാക്കാന്‍ പറ്റാത്തത് വീരാന്‍പാപ്പ നാട്ടില്‍ നിന്നും ഒന്ന് രണ്ട് വര്‍ഷത്തിനുള്ളില്‍ ഉണ്ടാക്കുകയും ചെയ്തു. കാറും വീടും തോട്ടവും എല്ലാം.!!

മുന്നില്‍ ഇരിക്കുന്ന സുബൈദയെ അടിമുടി നോക്കിയ വീരാന്‍പാപ്പ കണ്ണുചിമ്മി കുറെ നേരം ഇരുന്നു പിന്നെ പതുക്കെ കണ്ണുകള്‍ തുറന്നു എല്ലാം മനസ്സിലായ പോലെ തലയാട്ടി കൊണ്ടിരുന്നു.ശിഷ്യന്‍ അബ്ബാസിനെ അടുത്തേക്ക് വിളിച്ചു ചെവിയില്‍ എന്തോ സ്വകാര്യമായി പറഞ്ഞു.പിന്നെ കുഞ്ഞാലന്‍കാക്കയെ നോക്കി. സംഗതി കൂടോത്രം കൊണ്ട് വന്നതാണെന്നും ചെയ്ത ആളെ അറിയണമെങ്കില്‍ പതിനായിരം രൂപയില്‍ അധികം ചിലവ് വരുമെന്നും ചെയ്ത ആളെ തിരിച്ചറിഞ്ഞാലെ അതിനു മറു ചികിത്സ നടത്താന്‍ പറ്റൂ. . എന്നും പറഞ്ഞു. !! പതിനായിരം എന്നു കേട്ടപ്പോള്‍ കുഞ്ഞാലന്‍ കാക്കയുടെ കണ്ണുകള്‍ ചില്ലലമാരയില്‍ സുബൈദ ഉണ്ടാക്കി വെക്കുന്ന അരിയുണ്ട പോലെ പുറത്തേക്ക് തള്ളി വന്നു.!! സുബൈദയെക്കാളും വലുതല്ല പതിനായിരം എന്ന തിരിച്ചറിവുള്ള കുഞ്ഞാലന്‍കാക്ക സമ്മതം മൂളി. സുബൈദയുടെ കാതില്‍ കിടന്നിരുന്ന സ്വര്‍ണ്ണ ചിറ്റിലേക്ക് നോക്കി.!! ചിറ്റ് വിറ്റ കാശുകൊടുത്തപ്പോള്‍ ആ നെട്ടിക്കുന്ന സത്യം വീരാന്‍പാപ്പ അവരോട് പറഞ്ഞു. അടുത്ത വീട്ടില്‍ താമസിക്കുന്ന കുഞ്ഞാലന്‍കാക്കയുടെ അകന്ന ബന്ധത്തില്‍ പെട്ട മരക്കാരുകുട്ടിയാണ് അതിനു പിന്നില്‍ എന്നും അതിനു കാരണം മരക്കാരുകുട്ടിക്ക് സുബൈദയോടുള്ള മോഹമാണെന്നും .!!

താന്‍ ഈ പറഞ്ഞ സത്യം ആരോടെങ്കിലും പറഞ്ഞാല്‍ ചികിത്സക്ക് ഫലമുണ്ടാവില്ലാ എന്നു കൂടി പറയാന്‍ വീരാന്‍പാപ്പ മറന്നില്ല.!!

ദേഷ്യം മനസ്സില്‍ നില്‍ക്കാത്ത കുഞ്ഞാലന്‍കാക്ക മരക്കാരുകുട്ടിയുടെ പുരയുടെ വേലിക്കരികില്‍ ചെന്നു മരക്കാരുകുട്ടിയേയും വാപ്പ കാരണവന്മാരെയും ചീത്ത വിളിക്കാന്‍ തുടങ്ങി കാര്യമറിയാതെ പകച്ചു പോയ മരക്കാരുകുട്ടി എന്തിനാ കുഞ്ഞാലന്‍കാക്കാ ചീത്ത പറയുന്നത് എന്നും ചോദിച്ച് അടുത്ത് ചെന്നു. അടുത്തെത്തിയ മരക്കാരുകുട്ടിയെ കുഞ്ഞാലന്‍കാക്ക തന്‍റെ നൊണ്ടിക്കാലു കൊണ്ട് ഒരു ചവിട്ട് കോടുത്തു.!! സുഖമില്ലാതെ കിടന്നിരുന്ന സുബൈദക്ക് കൂടുതല്‍ സംസാരിക്കാന്‍ കഴിയാത്തത് കൊണ്ട് അവളെ കൊണ്ട് കഴിയുന്ന വിധത്തില്‍ അരക്കു താഴെയുള്ള തെറിവാക്കുകള്‍ മാത്രം വിളിച്ചു പറഞ്ഞു കൊണ്ടിരുന്നു. നാട്ടുകാരും അയല്‍വാസികളും ചുറ്റും കൂടി. കാര്യം ചോദിച്ചിട്ട് അവര്‍ ആദ്യം ഒന്നും പറഞ്ഞില്ല.!!

പഞ്ചായത്ത് മെമ്പറും സഖാവുമായ പരീദ് വിഷയത്തില്‍ ഇടപെട്ടു. രണ്ട് കൂട്ടരേയും ചര്‍ച്ചക്ക് വിളിച്ചു ചര്‍ച്ച കുഞ്ഞാലന്‍ കാക്കയും സുബൈദയും ബഹിഷ്ക്കരിച്ചു. നാട്ടുകാര്‍ക്ക് കാര്യമറിയണമെന്ന വാശിയായി നില്‍ക്കക്കള്ളി ഇല്ലാതായപ്പോള്‍ വീരാന്‍പാപ്പ പറഞ്ഞകാര്യം നാട്ടുകാര്‍ക്കിടയില്‍ കുഞ്ഞാലന്‍കാക്കയ്ക്ക് പറയേണ്ടി വന്നു.!! മരക്കാര്‍കുട്ടിക്ക് തന്‍റെ നിരപരധിത്വം തെളിയിക്കണമെന്ന വാശിയായി. മെമ്പറെയും കൂട്ടി വീരാന്‍പാപ്പയുടെ അടുത്ത് ചെന്നു. മെമ്പറെയും മരക്കാരുകുട്ടിയെയും കണ്ട വീരാന്‍പാപ്പ അവരോട് പറഞ്ഞത് കുഞ്ഞാലന്‍കാക്കയോട് താന്‍ അങ്ങനെ പറഞ്ഞിട്ടെയില്ലന്നും നിങ്ങള്‍ കുഞ്ഞാലന്‍കക്കാനേയും കൂട്ടിവാ അപ്പോള്‍ അറിയാലോ സത്യം എന്നുമാണ് കുഞ്ഞാലന്‍കക്ക അവരുടെ കൂടെ വരില്ലാ എന്നും വീരാന്‍പാപ്പക്ക് നല്ല ഉറപ്പായിരുന്നു. അതാണ് അവരോട് അങ്ങനെ പറഞ്ഞത്. !!

പിറ്റെ ദിവസം മുറ്റത്തു കൂടിയ ആള്‍കൂട്ടം വീരാന്‍പാപ്പയുടെ സര്‍വ്വ പ്രതീക്ഷയും തകര്‍ത്തു. മെമ്പറും മരക്കാരുകുട്ടിയും നാട്ടുകാരും അവര്‍ക്കിടയില്‍ കുഞ്ഞാലന്‍കാക്കയും.!! കുറച്ചു പേര്‍ കുഞ്ഞാലന്‍ കാക്കയുടെ ഭാഗവും മറ്റു ചിലര്‍ മരക്കാര്‍കുട്ടിയുടെ ഭാഗവും ചേര്‍ന്ന് തര്‍ക്കിക്കുന്നു. !!

തടിയൂരാന്‍ ഒരു മാര്‍ഗവും കാണുന്നില്ല.!! ഇന്ന് നാട്ടുകാരുടെ കൈകൊണ്ട് മയ്യാUntitled-1 copyത്തായത് തന്നെ. വീരാന്‍ന്‍പാപ്പ ഗോഡ്ഫാദറില്‍ അഞ്ഞൂറാനെ കണ്ട സ്വാമിനാഥന്‍ കൊച്ചമ്മിണീ മക്കളേ എന്നു വിളിച്ച് നോക്കും പോലെ പുരക്കകത്തുള്ള ഭാര്യയേയും മക്കളേയും ഒന്നു നോക്കി..! ഓടാന്‍ തയ്യാറായി നില്‍ക്കുന്ന തന്‍റെ അരുമ ശിഷ്യന്‍ അബ്ബാസിനെയും.!!

മെമ്പര്‍ക്ക് ആദ്യമേ വീരാന്‍പാപ്പയോട് ദേഷ്യമാണ് പാപ്പാന്‍റെ കള്ളത്തരം പൊളിക്കാന്‍ ഒരു അവസരം നോക്കി നടന്നിരുന്ന മെമ്പര്‍ക്ക് വീണ്കിട്ടിയ സുവര്‍ണ്ണാവസരമാണ് മുന്നില്‍.!! മെമ്പറുടെയും നാട്ടുകാരുടെയും നിര്‍ബന്ധം കൂടിയപ്പോള്‍‍ കുഞ്ഞലന്‍കാക്കക്ക് അവരുടെ കൂടെ വരാതിരിക്കാന്‍ പറ്റിയില്ല.!! .

നാട്ടുകാരോട് നിശബ്ദരായി നില്‍ക്കാന്‍ ആഹ്വാനം ചെയ്ത് മെമ്പര്‍ പരീദ് അകത്തേക്ക് കയറി. വീരാന്‍പാപ്പയെ പുറത്തേക്ക് വിളിച്ചു നാട്ടുകാരുടെ മുന്‍പില്‍ വെച്ചു വീരാന്‍പാപ്പായോട് സത്യം പറയാന്‍ പറഞ്ഞു.!! വീരാന്‍പാപ്പ നാലുപാടും ഒന്നു നോക്കി.!! എല്ലാവരും ആകാംഷയോടെ വീരാന്‍പാപ്പയുടെ വാക്കുകള്‍ക്കായി കാത് കൂര്‍പ്പിച്ചു. !! വീരാന്‍പാപ്പ തന്‍റെ സ്ഥിരം ശൈലിയില്‍ കുറച്ചു നേരം കണ്ണടച്ചു നിന്നും . പിന്നെ പതുക്കെ കണ്ണുകള്‍ തുറന്നു.!!

“നിങ്ങള്‍ രണ്ട് കൂട്ടരും ഒരേ സമയം എന്‍റെ അടുത്ത് വന്നിട്ട് അതില്‍ ഒരു കൂട്ടരെ മാത്രം ഞാന്‍ വഷളാക്കേണ്ടി വരും .അത് ഞാന്‍ ചെയ്യുന്നില്ല. അത് എന്‍റെ അന്തസിന് ചേര്‍ന്ന പണിയല്ല. എന്‍റെ ഈ വാക്കുകളില്‍ നിന്നും ബുദ്ധിയുള്ളവര്‍ക്ക് ആരാണ് യഥാര്‍ത്ഥ തെറ്റുകാരന്‍ എന്ന് മനസ്സിലായിട്ടുണ്ടാവും”

ഇത്രയും പറഞ്ഞ് വീരാന്‍പാപ്പ ആള്‍കൂട്ടത്തിലേക്ക് നോക്കി.!! എല്ലാവരു പരസ്പരം തമ്മില്‍ തമ്മില്‍ നോക്കികൊണ്ടിരിക്കുന്നു. ബുദ്ധിയില്ലാത്തവര്‍ ഒരാളു പോലും കൂട്ടത്തില്‍ ഇല്ലാത്തത് കൊണ്ട് ആരും ഒന്നും മിണ്ടിയില്ല. !! വീരാന്‍ പാപ്പ പതുക്കെ അകത്തേക്ക് കയറി. വീരാന്‍പാപ്പയുടെ വാക്കുകള്‍ കേട്ട മരക്കാര്‍കുട്ടി തന്‍റെ പക്ഷമാണ് പാപ്പ പറഞ്ഞതെന്നു പറഞ്ഞ് ഒച്ചവെച്ചു അതേ സമയം തന്നെ കുഞ്ഞാലന്‍കാക്ക തന്‍റെ ഭാഗമാണ് പാപ്പ പറഞ്ഞത് എന്ന് പറഞ്ഞ് വാദിച്ചു. നാട്ടുകാര്‍ ഒന്നും മനസ്സിലാവാതെ കുന്തം വിഴുങ്ങിയ പോലെ നിന്നു. മെമ്പര്‍ പരീദ് ഇവിടെയും വീരാന്‍പാപ്പാനെ പൂട്ടാന്‍ പറ്റാത്ത വിഷമത്തില്‍ പതുക്കെ സ്ഥലം കാലിയാക്കി. അകത്തേക്ക് കയറിയ വീരാന്‍പാപ്പ മേശപ്പുറത്ത് വെച്ചിരുന്ന ഒരു മൊന്ത വെള്ളം ഒറ്റവലിക്ക് കുടിച്ച് തീര്‍ത്തു. !! അപ്പോഴും വീടിന്‍റെ മറുപുറത്ത് പുതുതായി ചികിത്സക്ക് വന്ന രോഗികളും അവരുടെ ബന്ധുക്കളും ക്രമ നമ്പര്‍ അനുസരിച്ച് വീരാന്‍പാപ്പായുടെ മാന്ത്രിക ചികിത്സക്കായി ഊഴവും കാത്തിരിക്കുവായിരുന്നു.!!

78 അഭിപ്രായ(ങ്ങള്‍):

മാണിക്യം പറഞ്ഞു...

അന്ധ വിശ്വാസത്തിന്റെ ചുവടു പിടിച്ച് മനുഷ്യരെ ചൂഷണം ചെയ്തു ജീവിക്കുന്നവരും ചൂഷണത്തിന് ഇരയാകുന്നവരും ഇന്നും നമുക്ക് ചുറ്റും ധാരാളം. അതേ ആ കൂട്ടര്ക്കു ഗള്‍ഫില്‍ പോയി സമ്പാതിക്കുന്നതിന്റെ പത്തിരട്ടി ഇരിക്കുന്നിടതിരുന്ന്‍ സമ്പാതിക്കാം ..
മറ്റു മരുന്നുകള്‍ ഫലിക്കാതെ വരുമ്പോള്‍ വേണ്ട പ്പെട്ടവരുടെ വേദനയും രോഗവും കണ്ടു നില്‍ക്കാന്‍ ആവാതെ അറ്റകൈ ആയി ഇതുപോലുള്ള സിദ്ധന്റെ മുന്നില്‍ എത്തിക്കുന്നതില്‍ തെല്ലും അതിശയമില്ല .... നന്നായി പറഞ്ഞു കഥ ... ഓരോ കഥാപാത്രങ്ങളും നിറഞ്ഞ വ്യക്തിത്വം പുലര്‍ത്തി മികവോടെ കഥയില് നിറഞ്ഞു നില്‍ക്കുന്നു എന്നതാണ് എടുത്തു പറയാന് പറ്റുന്ന പ്രത്യേകത , ചിത്രങ്ങള്‍ നന്നായി ആശംസകള് ഹംസ

സാബിബാവ പറഞ്ഞു...

ഈ അനാചാരം എത്ര പറഞ്ഞാലും എഴുതിയാലും നമ്മുടെ ആളുകള്‍ മാറ്റാന്‍ പോണില്ല .
എങ്കിലും കഥയുടെ ഒഴുക്ക് നന്നായിരുന്നു .സുബൈദയും കെട്ടിയോനും എല്ലാം മനസ്സില്‍ നിറഞ്ഞു നില്‍ക്കുന്നു
നന്നായി എഴുതി ഭാവുഗങ്ങള്‍ .ഇനിയും പ്രതിക്ഷയോടെ .........

Mohamedkutty മുഹമ്മദുകുട്ടി പറഞ്ഞു...

സൂപ്പര്‍ എന്നല്ലാതെ എന്തു പറയാന്!‍. ധാരാളം മന്ത്രവാദിക്കഥകളും ഔലിയാ കഥകളും വായിച്ചിട്ടുണ്ടെങ്കിലും ഈ കഥയുടെ ഒഴുക്കു വളരെ നന്നായി. പക്ഷെ സസ്പെന്‍സ് ഇപ്പോഴും നില്‍ക്കുകയാണ്. സുബൈദ പിന്നെ എന്തു ചെയ്തു ,അയല്‍ വാസിയുടെ കൂടെ പോയോ, അതൊ സ്ഥിരം “അഡ്ജസ്റ്റ് മെന്റില്‍” കഴിഞ്ഞു കൂടിയോ?. തുടക്കത്തില്‍ ഒട്ടേറെ കാര്യങ്ങള്‍ കുറഞ്ഞ വാക്കുകളില്‍ പറഞ്ഞത് വല്ലാതെ കൌതുകമുണര്‍ത്തി. ഹംസ, ഇനിയും തുടരുക.നമുക്കിനിയും ധാരാളം കഥകള്‍ വേണം. ചിത്രങ്ങള്‍ വളരെ നന്നായി. അഭിനന്ദനങ്ങള്‍!

അഭി പറഞ്ഞു...

കൊള്ളാം നന്നായിരിക്കുന്നു

Wash'Allan JK | വഷളന്‍ ജേക്കെ പറഞ്ഞു...

അബദ്ധങ്ങള്‍, അനാചാരങ്ങള്‍ ഇപ്പോഴും... കാണാന്‍ ആളുള്ളിടത്തോളം കോമരം തുള്ളിക്കൊണ്ടിരിക്കും.

അമ്പട്ടനെ ചൊരയ്ക്കുന്നതും അമ്പട്ടന്‍ തന്നെ... നമ്മള്‍ തന്നെ ഇതിനെല്ലാം കാരണം. ആളുകള്‍ മാറാതെ ഇതിനൊന്നും പ്രതിവിധിയില്ല.

Mohamed Salahudheen പറഞ്ഞു...

ആള്ദൈവങ്ങളും അന്ധവിശ്വാസവും ലോകാവസാനംവരെ നിലനില്ക്കുമല്ലോ. കഥ ഒറ്റയിരിപ്പിനു വായിച്ചുതീര്ത്തു. ചെറുകഥയുടെ സൌന്ദര്യം ഇനിയും വിടരട്ടെ, നന്ദി

ഭായി പറഞ്ഞു...

വീരാൻപപ്പയല്ല ആൾ വീരൻപാപ്പയാണ്:-)

Sulthan | സുൽത്താൻ പറഞ്ഞു...

ഹംസഭായി,

അന്തവിശ്വാസവും അനാചാരങ്ങളും ആവോളമുണ്ട്‌ നാട്ടിൽ. സധരണക്കാരന്റെ നിസ്സഹയവസ്ഥ ചൂഷണം ചെയ്ത്‌ ജീവിക്കുന്നവർ.

നന്നായി പറഞ്ഞു. ആശംസകൾ.

Sulthan | സുൽത്താൻ

Umesh Pilicode പറഞ്ഞു...

നന്നായിരിക്കുന്നു ആശംസകള്‍

Renjith Kumar CR പറഞ്ഞു...

അപ്പോഴും വീടിന്‍റെ മറുപുറത്ത് പുതുതായി ചികിത്സക്ക് വന്ന രോഗികളും അവരുടെ ബന്ധുക്കളും ക്രമ നമ്പര്‍ അനുസരിച്ച് വീരാന്‍പാപ്പായുടെ മാന്ത്രിക ചികിത്സക്കായി ഊഴവും കാത്തിരിക്കുവായിരുന്നു.
നന്നായിരിക്കുന്നു :)

dreams പറഞ്ഞു...

nanayi hamzaka, naloru ashayam avtharipichathinu nani enu namude natil ettavum kooduthal chooshanam nadakunathum eganeyanu ehtu janagalude edayileku ethichathinu nani parajukondu ashamsagal......................

Nizam പറഞ്ഞു...

Oru asadharanamaaya ashayam (sidha katha stiram format anengilum) sadharana reethiyil ezhthi..Oru nalla aashayam kittiya stithikku.. korachum koodi mechapeduthi ezhuthamaayirunnille... thodippum thongalugalum avashyathine cherkkaavoo.. ellavarudeyum kathayil kaanunna stiram kathapatrangal puthiya kathakalil oyivakkanam... athu vayanakkaranu maduppe ulavakkoo... " Poratta kallil thotta pole"... "poratakallu" otta vaakku alle?? Poratta pozhi kallil thotta pole enney vayikko allengil. ee kathayude plus point.. kathakaranu vayanakkarante manassil katha sharikkum imagine cheyyavunna reethiyil avatharippichu ennathanu.. katha patrangal mumbil nilkkunnathu pole undu.but chilaidathu flaws vannittu undu...i like your writings.. In short... good work however you should bring your level high in usage lines and in depiction of charectors.. Oru katha vaayichu kayinchal aa katha patrathey nammal orikkalum marakkaruthu.... The best stories have a strong theme, a fascinating plot, a fitting structure, unforgettable characters, a well-chosen setting, and an appealing style. Try for all of these. All the best...

മന്‍സു പറഞ്ഞു...

നന്നായിരുന്നു കേട്ടോ, അഭിനന്ദനങ്ങള്

ഇസ്മായില്‍ കുറുമ്പടി (തണല്‍) shaisma@gmail.com പറഞ്ഞു...

ഹംസയില്‍ നിന്ന് ഇത്തരത്തില്‍ ഒരു കഥ പ്രതീക്ഷിച്ചതല്ല. കഥയിലെ പ്രമേയം ഉഗ്രന്‍. പക്ഷെ അപ്പോഴും അനാചാരം വിജയിക്കുന്നതാണ് ക്ലൈമാക്സ് . അത് വേണ്ടിയിരുന്നില്ല എന്ന് തോന്നുന്നു.പൊതുവേ, ലളിതമായി ഉള്ളത് പറയാനുള്ള കഴിവിനെ അംഗീകരിക്കുന്നു.
ഇനിയും ഇത്തരം അനീതിക്കെതിരെ പോരാടുക- നമുക്ക് കഴിയും വിധത്തില്‍ . അത് നര്‍മം ചാലിച്ച് എഴുതുമ്പോള്‍ കൂടുതല്‍ ആസ്വാദനം ഉണ്ടാകുന്നു.
ഭാവുകങ്ങള്‍!
അണ്ണാന്‍ കുഞ്ഞും തന്നാലായത് എന്നാണല്ലോ ..
എന്റെ വക ഒരു മോല്ലാക്കാന്റെ കഥ ..പക്ഷെ ഈ മൊല്ലാക്ക ആളു പാവമാ....( ലിങ്കു താഴെ)
ഇവിടെ അമര്‍ത്തുക

ബഷീർ പറഞ്ഞു...

കഥയുടെ തീം പുതിയതലെങ്കിലും അവതരണ രീതികൊണ്ട് നന്നായിരിക്കുന്നു.
അഭിനന്ദനങ്ങൾ


മനുഷ്യരെ പറ്റിച്ച് ജീവിക്കുന്നവർ എല്ലാ ഭാഗത്തുമുണ്ട്. ഉത്പതിഷ്ണുക്കളെന്ന് സ്വയം പരിചയപ്പെടുത്തുന്നവരും അടക്കം ഇങ്ങിനെ ജനങ്ങളെ പറ്റിച്ച് ജീവിക്കുന്നു.

ചാകക്കടയിൽ ആളുകളെ മൊഞ്ച് കാട്ടി അടുപ്പിക്കുന്ന സുബൈദയും , കച്ചോടം ആ വഴിക്ക് കൂടട്ടെ എന്ന് കരുതുന്ന കെട്ട്യോനും അടക്കമുള്ള ഇതിലെ കഥാപാത്രങ്ങൾക്ക് വ്യക്തമായ വിശ്വാസങ്ങൾ ഉണ്ടെന്ന് തോന്നുന്നില്ല. അതിനാൽ തന്നെ ഇവിടെ അനാചാരമോ ആചാരമോ ആയി ചില വായനക്കാർ വായിച്ചെടുത്തത് ശരിയല്ല. ഇത് അനാചാരമോ ആചാരമോ അല്ല. മറിച്ച തട്ടിപ്പ് മാത്രമാണ്.

Jishad Cronic പറഞ്ഞു...

ആശംസകള്‍ ...അഹാ പോരട്ടെ
ഹംസക്കാ കഥകള്‍ ഇനിയും .

അജ്ഞാതന്‍ പറഞ്ഞു...

ആളുകളെ പറ്റിക്കുന്ന ഇത്തരക്കാരെ പറ്റി ധാരാളം കേട്ടിട്ടുണ്ട് .... പക്ഷെ കഥയുടെ അവസാനത്തിൽ ജയം മൊല്ലാക്കാക്ക് തന്നെ ആയിപ്പോയല്ലോ എന്നൊരു സങ്കടം... നല്ല അവതരണം ...ആശംസകൾ പ്രാർഥനകൾ

Rafiq പറഞ്ഞു...

എന്റെ ഹംസക്കാ! കൊള്ളാം ട്ടൊ. ന്നാലും ആ ഹമുക്ക് അസ്മാഇനെ ഞമ്മക്കൊന്നു പൂട്ടി കെട്ടാറ്ന്നു. ആഹ് പോട്ടെ ഓന് ഇനീം ഈ ബയി ബെരൂലൊ. അപ്പൊ ഞമ്മക്ക് ഒനെ കുട്ടിശാത്താന്റെ പണി കാണിചു കൊടുക്കാം. :-)))))

jayanEvoor പറഞ്ഞു...

കഥ രസകരം!

(എന്നാലും ഒരു നാട്ടുകാർ മുഴുവൻ മണ്ടന്മാർ എന്ന ധ്വനി വന്നു അവസാനം. അതു വേണ്ടിയിരുന്നില്ല.)

കൂതറHashimܓ പറഞ്ഞു...

ഹേയ് ഇതെന്താ മാഷെ.... സുബൈദാനെ പറ്റി പറഞ്ഞ് അവസാനം വാരാന്‍പാപ്പയില്‍ നിന്നെ..?? മ്മക്ക് സുബൈദാനെ മാത്രം അറിഞ്ഞാ മതി ഓള്‍ ഇപ്പൊ എന്തിയേ .., ആ ചായകട എവ്ട്യാ??
പാവം സുബൈദാക്ക് ഒന്നും വരുത്തല്ലെന്റെ റബ്ബേ...

പിന്നെ ബീരാന്‍ പാപ്പയോ കൂതറ പാപ്പയോ ആവട്ടെ , അയാളെ എനിക്ക് പിടിച്ചില്ലാ.. കൂതറകള്‍, മനുഷ്യനെ പറ്റിക്കാന്‍ നടക്കുവാ.. മന്ത്രം ആണത്രേ... എന്തൂട്ട് കൂതറ മന്ത്രാ അവര്‍കൊക്കെ അറിയാ...!!
എനിക്കും അറിയാം ഒരു കിടിലം മന്ത്രം “ഓം ഹ്രീം കുട്ടിച്ചാത്താ”

Shaivyam...being nostalgic പറഞ്ഞു...

എന്താ പറയുക? ചിത്രങ്ങള്‍ വരച്ചിട്ടി രിക്കയല്ലേ മുന്‍പില്‍? എല്ലാ കഥാ പാത്രങ്ങളും കണ്മുന്നില്‍ നിവര്‍ന്നങ്ങനെ നില്‍ക്കുന്നു! നന്നായി എന്നല്ലാതെ ഒന്നും പറയാനില്ല! ഹൃദയം നിറഞ്ഞ ഭാവുകങ്ങള്‍!!

kambarRm പറഞ്ഞു...

ഹ..ഹ...ഹ
കൊള്ളാം..ശരിക്കും ജീവിച്ചിരിക്കുന്ന കഥാപാത്രങ്ങൾ.,കലക്കി ഹംസക്കാ.
തലക്കെട്ടിൽ പറഞ്ഞ പോലെ സുബൈദയുടേ കഥ വായിച്ച് വായിച്ച് ഒടുക്കം മൊല്ലാക്കയിൽ കേന്ദ്രീകരിച്ചപ്പോൾ ഒരു സന്ദേഹം.., എന്നാലും കുഴപ്പമില്ല..അവതരണശൈലിയും പ്രയോഗങ്ങളും ബഹു കേമം..,
നമ്മുടെ സുബൈദത്താക്ക് എന്ത് സംഭവിച്ചു..

Unknown പറഞ്ഞു...

മനുഷ്യന്റെ അറിവില്ലായ്മയെ ചൂഷണം ചെയ്തു ജീവിക്കുന്ന വ്യാജന്മാരുടെ കഥ നല്ല രീതിയില്‍ അവതരിപ്പിച്ചു.

പാപ്പാന്റെ കൌശലമായിരിക്കാം ഇതിന്റെ ഹൈലൈറ്റ് എങ്കിലും അവസാനം കഥ വഴിമാറിപോയി എന്ന് തോന്നുന്നു.

ഇനിയും കഥകള്‍ വരട്ടെ! ആശംസകള്‍

Pd പറഞ്ഞു...

കൊള്ളാം വളരെ നന്നായിരിക്കുന്നു, നല്ല കുറെ പ്രയോഗങ്ങളും, ഇതാണ് സൂപ്പറ് "സുഖമില്ലാതെ കിടന്നിരുന്ന സുബൈദക്ക് കൂടുതല്‍ സംസാരിക്കാന്‍ കഴിയാത്തത് കൊണ്ട് അവളെ കൊണ്ട് കഴിയുന്ന വിധത്തില്‍ അരക്കു താഴെയുള്ള തെറിവാക്കുകള്‍ മാത്രം വിളിച്ചു പറഞ്ഞു കൊണ്ടിരുന്നു."

വീകെ പറഞ്ഞു...

ഒരു കഥയായിട്ട് എഴുതിയപ്പോൾ, അവസാനം ആ തട്ടിപ്പിന് വിജയം കൊടുത്തത് ശരിയായില്ല..
സത്യാവസ്ഥ വെളിപ്പെടുത്താൻ കഥാകാരൻ തെയ്യാറാവേണ്ടതായിരുന്നു...!?

ഇത്തരം തട്ടിപ്പുകൾ എല്ലായിടത്തും നടക്കുന്നുണ്ട്..
പാവങ്ങൾ അവസാന പിടിവള്ളി മാതിരി കൂട്ടം കൂട്ടമായി അവിടേക്കെത്തുന്നു...

എന്തിനാ പാവങ്ങളെ പറയുന്നെ, സമൂഹത്തിലെ ഉന്നതരായ വ്യക്തികൾ പോലും ഇത്തരം മനുഷ്യ ദൈവങ്ങളുടെ കാൽക്കിഴിൽ കുമ്പിട്ടിരിക്കുന്നത് എത്രയോ നമ്മൾ കാണുന്നു.അപ്പോൾ പിന്നെ പാവങ്ങൾ ഇത്തരക്കാരുടെ അടുത്തു പോകുന്നതിൽ തെറ്റു പറയാൻ പറ്റുമോ...?

ആശംസകൾ...

ഹംസ പറഞ്ഞു...

@ മാണിക്യം.

ആദ്യ കമാന്‍റിനും നല്ലവാക്കുകള്‍ക്കും നന്ദി

@ സാബിറ സിദ്ധീഖ്.

നല്ല വാക്കുകള്‍ക്ക് നന്ദി

@ മുഹമ്മദ്കുട്ടിക്ക.

കഥയില്‍ സസ്പെന്‍സ് ഒന്നും ബാക്കിയാക്കിയിട്ടില്ല സുബൈദക്ക് എന്ത് എന്നുള്ള ചോദ്യമാണ് തലക്കെട്ട് തന്നെ “ബാധ ഒഴിയാത്ത സുബൈദ” അവള്‍ക്ക് ഒന്നലങ്കില്‍ ഒന്നായിട്ട് ബാധ വന്നുകൊണ്ടിരിക്കും .!! വീരാന്‍പാപ്പമാര്‍ കാശുണ്ടാക്കികൊണ്ടിരിക്കുകയും ചെയ്യും.!!

@ അഭി. നല്ലവാക്കിനു നന്ദി

@ വഷളന്‍ :“ആളുള്ളിടത്തോളം കോമരം“ . സത്യമാണ് !!

അഭിപ്രായത്തിനു നന്ദി

@ സലാഹ് : നല്ല വാക്കുകള്‍ക്ക് നന്ദി

@ ഭായ് .. : അഭിപ്രായത്തിനു നന്ദി

@ സുല്‍ത്താന്‍ : ആശംസകള്‍ക്ക് നന്ദി .

@ ഉമേഷ് : ആശംസകള്‍ക്ക് നന്ദി

@ Renjith : നല്ലവാക്കുകള്‍ക്ക് നന്ദി

@ fasil : നല്ലവാക്കുകള്‍ക്കും ആശംസകള്‍ക്കും നന്ദി.

@ നിസാം : കഥയുടെ രസത്തിനു വേണ്ടി ചില മസാലകള്‍ എല്ലാം ചേര്‍ത്തതാ..!! “പൊറോട്ടക്കല്ല്” എന്ന് തിരുത്തി എഴുതിയിട്ടുണ്ട്. നല്ല വാക്കുകള്‍ക്കും അഭിപ്രായത്തിനും നന്ദി.

@ മന്‍സൂ.. ആദ്യവരവിനു നന്ദി.. അഭിനന്ദനങ്ങള്‍ക്കും .!!

@ ഇസ്മയില്‍ ( തണല്‍) : “ഹംസയില്‍ നിന്ന് ഇത്തരത്തില്‍ ഒരു കഥ പ്രതീക്ഷിച്ചതല്ല“ ഇതിന്‍റെ പൊരുള്‍ മനസ്സിലായില്ല.!! അനാചാരം വിജയിക്കുന്ന ക്ലൈമാക്സ് കഥയുടെ രസം മാത്രമേ ഞാന്‍ ഉദ്ദേശിച്ചുള്ളൂ.. എല്ലാവരും കൂടി ഒരു വീരാന്‍ പാപ്പാനെ തല്ലികൊന്നാല്‍ പാപ്പന്മാര്‍ അവസാനിക്കുമോ? അത് തുടര്‍ന്നുകൊണ്ടെയിരിക്കും.!!

@ ബഷീര്‍ പി.ബി.വെള്ളറക്കാട്‌ : ബഷീര്‍ക്ക പറഞ്ഞത് ശരിയാണ് വിശ്വാസമല്ല അവരെ പാപ്പയില്‍ എത്തിച്ചത്. ആചാരത്തേക്കാള്‍ തട്ടിപ്പുകള്‍ക്ക് ഇരയാവുന്നു എന്നുള്ളതാണ്. !

@ ജിഷാദ് .: ആശംസകള്‍ക്ക് നന്ദി

@ ഉമ്മു അമ്മാര്‍ : അവസാന വിജയം സിദ്ധനായത് സിദ്ധന്‍റെ മിടുക്ക് കൊണ്ടാണ്. (മന്ത്രത്തെക്കാള്‍ ഏറെ തന്ത്രം കൊണ്ടാണ് വീരാന്‍പാപ്പ ആളുകള്‍ക്കിടയില്‍ നിന്നും സ്വന്തം തടി സലാമത്താക്കുന്നത്.!!) ഈ ഭാഗം കൂട്ടി വായിച്ചാല്‍ ഇതിലെ ക്ലൈമാക്സ് പാപ്പാന്‍റെ വിജയം ആക്കാനെ പറ്റൂ.. അല്ലങ്കില്‍ എല്ലാവരുടെയും അഭിപ്രായം പോലെ ഞാന്‍ പരിധിക്ക് പുറത്താണ് കഥയില്‍ സത്താറിനെ കൊന്ന പോലെ പാപ്പയെയും കൊന്നേനെ. !! ഹ ഹ ഹ..

നല്ല വാക്കുകള്‍ക്കും പ്രാര്‍ത്ഥനക്കും നന്ദി.

@ desperado : പേടിക്കേണ്ട നമുക്ക് ആ അസ്മാഇനെ ഞമ്മക്കൊന്നു പൂട്ടി കെട്ടാം സമയം വരട്ടെ.

അഭിപ്രായത്തിനു നന്ദി

@ jayanEvoor : നാട്ടുകാരെ മുഴുവന്‍ മണ്ടനാക്കിയതല്ല മണ്ടന്മാര്‍ കൂടുതല്‍ ഉള്ള നാട്ടിലെ ഇതു പോലെ ഒരു കള്ള സിദ്ധനു തന്‍റെ അടവുകള്‍ പഴറ്റാന്‍ പറ്റൂ അല്ലങ്കില്‍ എന്നെ ആളുകള്‍ അവരെ തെല്ലി കൊല്ലില്ലെ .!!

അഭിപ്രായം അറീയിച്ചതില്‍ നന്ദി

@ ഹാഷിം : വീരാന്‍ പാപ്പാന്‍റെ കഥയിലേക്ക് എത്താന്‍ സുബൈദാനെ കൊണ്ട് വന്നതാ.. !! ചായക്കടയുടെ അഡ്ഡ്രസ്സ് വേണോ? ഹ ഹ ഹ.!! ഓം ഹ്രീം കുട്ടിച്ചാത്താ… ഇത് ആര്‍ക്കും അറിയാത്ത ഒരു മന്ത്രമാ ആരോടും പറയല്ലെ കയ്യില്‍ ഇരിക്കട്ടെ.!!

@ Shaivyam...being nostalgic : നല്ല വാക്കുകള്‍ക്ക് നന്ദി

@ കമ്പര്‍ : സുബൈദാക്ക് സംഭവിച്ചത് മുഹമ്മദ്കുട്ടിക്കാക്ക് പറഞ്ഞ മറുപടിയില്‍ ഉണ്ട്.

നല്ല വാക്കുകള്‍ക്ക് നന്ദി..

@ തെച്ചിക്കോടന്‍ : കഥ വഴിമാറി പോയതല്ല തെച്ചിക്കോടന്‍ പറഞ്ഞ പോലെ തന്നെ സിദ്ധന്‍റെ തന്ത്രത്തിലേക്ക് എത്തിക്കാനുള്ള കഥാപാത്രങ്ങള്‍ മാത്രമായിരുന്നു മറ്റുള്ളവര്‍.!!

ആശംസകള്‍ക്ക് നന്ദി

@ പി.ഡി

നല്ല വാക്കുകള്‍ക്ക് നന്ദി

@ വി.കെ.

കഥ യില്‍ തട്ടിപ്പിനു വിജയം അല്ല ഞാന്‍ കൊടുത്തത് ബുദ്ധിയില്ലാത്ത ഒരു നാട്ടുകാര്‍ക്കിടയില്‍ ഒരു തട്ടിപ്പുകാരനു എങ്ങനെ രക്ഷപ്പെടാം എന്നുള്ളതാണ്.! ഞന്‍ മുന്‍പറഞ്ഞ അഭിപ്രായക്കാര്‍ക്ക് മറുപടി കൊടുത്ത പോലെ അയാളെ തല്ലികൊല്ലാമായിരുന്നു പക്ഷെ അത് കഥയാവില്ലല്ലോ. . ( മന്ത്രത്തെക്കാള്‍ ഏറെ തന്ത്രം കൊണ്ടാണ് വീരാന്‍പാപ്പ ആളുകള്‍ക്കിടയില്‍ നിന്നും സ്വന്തം തടി സലാമത്താക്കുന്നത്.!!) ഇങ്ങനെ ഒരു ഭാഗം കഥയില്‍ കൊടുത്തത് അതുകൊണ്ടല്ലെ . വീ.കെ പറഞ്ഞത് പോലെ ചൂഷണത്തിനിരയാവുന്നവര്‍ പാവം എന്നോ ഉന്നതന്‍ എന്നോ എന്നൊന്നുമില്ല എല്ലാവരും അതിനു ഇരയാവുന്നു.

നല്ല ഒരു അഭിപ്രായം അറിയിച്ചതിനു നന്ദി.

@ വായിച്ചിട്ട് അഭിപ്രായം പറയാതെ പോയവര്‍ക്കും .. ഒരുപാട് നന്ദി.

ഇസ്മായില്‍ കുറുമ്പടി (തണല്‍) shaisma@gmail.com പറഞ്ഞു...

പത്തു രൂപ സംഭാവാന പ്രതീക്ഷിക്കുന്നവരില്‍ നിന്ന് നമുക്ക് ആയിരം രൂപ കിട്ടിയാല്‍ എങ്ങനിരിക്കും ? ആ ഒരു നല്ല അര്‍ത്ഥത്തിലാണ് ഞാന്‍ അങ്ങനെ കമന്റ് എഴുതിയത്. താങ്കളുടെ സാധാരണ എഴുത്തില്‍ നിന്ന് വിഭിന്നമായി സോദ്ദേശ പരമായ,അനാചാരതിനെതിരായ ഒരു പ്രമേയം തെരഞ്ഞെടുത്തു , അത് നന്നായി അവതിരിപ്പിച്ചു. എന്റെ കമന്റ് രണ്ടാവര്‍ത്തി വായിച്ചാല്‍ താങ്കള്‍ക്കു മനസ്സിലായേക്കും. ഇനിയും താങ്കളുടെ 'കീബോഡ്' സഹകരിക്കട്ടെ , അനാചാരങ്ങള്‍ക്കെതിരെ ...

എറക്കാടൻ / Erakkadan പറഞ്ഞു...

ഇതെന്തൂട്ട്‌ കഥയാ മാന്ത്രികന്മാരെ ക്രൂരന്മാരാക്കുന്ന കൂതറ കഥ.....ശേയ്യ്യ്‌......

അതൊന്നൂല്യ ഇക്കാ....നല്ല കഥ....ന്നാലും ഇമ്മടെ സുബൈദ....അറ്റ്‌ ലീസ്റ്റ്‌ ഒരു നഗ്നപൂജയെങ്കിലും നടത്താമായിരുന്നു നമ്മുടെ മാന്ത്രികന​‍്‌

mukthaRionism പറഞ്ഞു...

നന്നായി..
നല്ല എഴുത്ത്..
അതിലുപരി നല്ല പ്രമേയം..
അന്ധവിശ്വാസങ്ങള്‍ക്കും അനാചാരങ്ങള്‍ക്കുമെതിരെ
ഒരു ചെറിയ പ്രതികരണം..

ചിരിയൊളിപ്പിച്ചു വെച്ച വരികള്‍..
ചിന്തയും...

ഭാവുകങ്ങള്‍..

ഞാനും ബുദ്ധിയുള്ള കൂട്ടത്തിലായതോണ്ട്
കൂടുതലൊന്നും പറയുന്നില്ല.

ഹായ് കൂയ് പൂയ്!

Manoraj പറഞ്ഞു...

കഥ ഇഷ്ടായി.. അനാചാരങ്ങളും അന്തവിശ്വാസങ്ങളും നമ്മുടെ നാട്ടിൽ നിന്നും ഒരിക്കലും തുടച്ച് മാറ്റാൻ പറ്റില്ല എന്നത് സത്യമാണ്.. കഥയുടെ ഒഴുക്ക് വളരെ നന്നായി..

Radhika Nair പറഞ്ഞു...

ഹംസക്കാ അവതരണ രീതി നന്നായിരുന്നു ,ആശംസകള്‍

Muralee Mukundan , ബിലാത്തിപട്ടണം പറഞ്ഞു...

തട്ടിപ്പിനും,വെട്ടിപ്പിനും ഒരു തട്ടും ,മുട്ടും അല്ലേ?
അതോടോപ്പം ഇത്തിരി ഇതിനോട് ഇത്തിരി കൂട്ടും ഉണ്ടൊ ?
അവസാനം നാട്ടുകാരൊക്കെ എന്നെപ്പോലെ മണ്ടന്മാരായല്ലോ...അല്ലേ ?

Vayady പറഞ്ഞു...

നല്ല കഥ ഹംസ. വീരാന്‍പാപ്പ ആള്‌ കൊള്ളാം! കക്കാനും, നിക്കാനുമറിയുന്നവന്‍. അല്ല ഹംസാ, ഇപ്പോഴാ ഒരു കാര്യം ഓര്‍ത്തത്, നമ്മുടെ സുബൈദാന്‍റെ പനിമാറിയോ? :)

പട്ടേപ്പാടം റാംജി പറഞ്ഞു...

പഴയ കാലത്തേക്കാള്‍ അനാചാരങ്ങളും
മന്ത്രവാദങ്ങളും പെരുകി വരികയാണ്‌.
മനുഷ്യന്‌ എത്ര പറ്റ് പറ്റിയാലും വീണ്ടും
മന്ത്രവാദിയെ തേടി ചെല്ലുന്ന സ്ഥിതി.
സുബൈദ നന്നായി.
വീരാന്‍ പാപ്പ ആള്‌ കേമന്‍ തന്നെ.
കൊള്ളാം. നന്നായി ഹംസ.

ManzoorAluvila പറഞ്ഞു...

മർമ്മത്തിൽ കൊള്ളുന്ന നർമ്മം നന്നായ്‌ ചിരിച്ചു...

എല്ലാ ആശംസകളും..

അനില്‍കുമാര്‍ . സി. പി. പറഞ്ഞു...

നര്‍മത്തിന്റെ മേന്‍പൊടിയില്‍ ചാലിച്ചു പറഞ്ഞ കഥ,അവതരണരീതിയിലും മെച്ചപ്പെട്ടു നില്‍ക്കുന്നു.

ആശംസകള്‍ ഹംസാ....

സിനു പറഞ്ഞു...

അന്ധ വിശ്വാസം മനുഷ്യനെ അന്ധനാക്കും
സാബി പറഞ്ഞ പോലെ ഇതൊക്കെ എത്ര എഴുതിയാലും
പറഞ്ഞാലും ആളുകള്‍ മാറ്റാന്‍ പോകുന്നില്ല.
കഥ നന്നായിട്ടുണ്ട്
നല്ല രസമായി വായിച്ചു.

പിന്നെ..ഇക്കയോട് ഒരു കാര്യം അപേക്ഷിക്കാനുണ്ട്ട്ടോ..
കുഞ്ഞാലന്‍കാക്ക മരിച്ചാല്‍ സുബൈദയെ കൂതറക്ക് കെട്ടിച്ചു കൊടുക്കണേ..
പാവം കൂതറ..അവളുടെ കാര്യം അറിയാഞ്ഞിട്ടു നല്ല വിഷമത്തിലാ...!!

Sidheek Thozhiyoor പറഞ്ഞു...

നാട്ടിലെ ചുറ്റുപാടുമുള്ള ചിലരെ കുറച്ചു നേരത്തേക്ക് നേരില്‍ കണ്ടു , ഗ്രാമത്തനിമയുള്ള കഥാപാത്രങ്ങള്‍ , നന്നായി ഹംസ ഭായ് ..

കാര്‍ന്നോര് പറഞ്ഞു...

കഥയുടെ ക്ലൈമാക്സ് നന്നായിട്ടുണ്ടെന്ന അഭിപ്രായമാണ് എനിയ്ക്കുള്ളത്. ഇസ്മായില്‍ പറഞ്ഞതുതന്നെ എനിയ്ക്കും പറയാനുള്ളത്, താങ്കളുടെ കഥകള്‍ കൂടുതല്‍ ഉഷാറായി വരുന്നുണ്ട്.

ഒരു നുറുങ്ങ് പറഞ്ഞു...

കഥയും കഥാപാത്രങ്ങളേയുമിഷ്ടായി...
ശാസ്ത്രം ഈ പുരോഗതിയൊക്കെ നേടീട്ടും
മനുസന്മാര്‍ ഈമാതിരിപ്പെട്ട മന്ത്രതന്ത്രങ്ങളിലും
അന്തക്കേടുകളിലും കുടുങ്ങുന്നല്ലോ....ഇത്തരം
തട്ടിപ്പുകള്‍ എല്ലായിടങ്ങളിലും അതാത് നാട്ട്കാരുടെ
ചിലവില്‍ നടത്താനും ഈ പരാഹ്നഭോജികള്‍
സാമര്‍ത്ഥ്യം കാണിക്കും...

“നിങ്ങള്‍ രണ്ട് കൂട്ടരും ഒരേ സമയം എന്‍റെ അടുത്ത് വന്നിട്ട് അതില്‍ ഒരു കൂട്ടരെ മാത്രം ഞാന്‍ വഷളാക്കേണ്ടി വരും .അത് ഞാന്‍ ചെയ്യുന്നില്ല. അത് എന്‍റെ അന്തസിന് ചേര്‍ന്ന പണിയല്ല. എന്‍റെ ഈ വാക്കുകളില്‍ നിന്നും ബുദ്ധിയുള്ളവര്‍ക്ക് ആരാണ് യഥാര്‍ത്ഥ തെറ്റുകാരന്‍ എന്ന് മനസ്സിലായിട്ടുണ്ടാവും”...
എനിക്ക് ബുദ്ധികുറഞ്ഞോണ്ട് ,തല്‍ക്കാലം
രക്ഷപ്പെട്ടു...തട്ടിപ്പാണെലും അവതരണം നന്നായിരിക്കുന്നു,ആശംസകള്‍...

Zulfukhaar-ദുല്‍ഫുഖാര്‍ പറഞ്ഞു...

ഹംസഭായ്
ഇസ്മയിലിന്റെ കമന്റ് 2 തവണ വായിക്കേണ്ട ആവശ്യമില്ല. കാരണം. അദ്ദേഹം മൊത്തം ജനങ്ങളുടെ കഴിവിനെയും ജനങ്ങൾ എന്ത് ചിന്തിക്കുന്നു എന്നതിനെ കുറിച്ചും അതായത് മനസിൽ ഉള്ള കാര്യങ്ങൾ വരെ കാണാൻ കഴിവുള്ള ആളാ.
അതാണ് നിങ്ങളെ വെറും 10 രൂപ സംഭാവനക്കരനാക്കി അദ്ദേഹം കണക്കാക്കിയത്. സാരമില്ല 1000 കൊടുത്തപ്പോൾ സമാധാനമായി

ഇനി നിങ്ങൾ നമ്മുടെ നാട്ടിൽ നടക്കുന്ന പഴയ തട്ടിപ്പ് വീരന്മാരെ കുറിച്ച് എഴുതിയ പോലെ അതിനെ എതിർക്കാനെന്ന പേര് പറഞ്ഞ് രംഗത്ത് വന്ന ചിലർ തന്നെ സ്വന്താമായി ഇത്തരം പൂജാ കേന്ദ്രങ്ങൾ നടത്തുന്നതിനെ കുറിച്ച് എഴുതിയാൽ മൂപ്പർ വളരെ സന്തോഷമാവും.

വീഡോയോ ആവശ്യമെങ്കിൽ തരാം പിന്നെ

ഓൾ ദ ബെസ്റ്റ്

ഇസ്മായില്‍ കുറുമ്പടി (തണല്‍) shaisma@gmail.com പറഞ്ഞു...

എന്റെ പ്രിയ സഹോദരന്‍ ദുല്‍ഫുഖാര്‍,
ഇതൊരു വിവാദമാക്കേണ്ട വിഷയമാണ് എന്നെനിക്ക് തോന്നുന്നില്ല.എന്റെ കമന്ടുകളിലോ പോസ്ടുകളിലോ തെറ്റ് കുറ്റങ്ങള്‍ വന്നു പോവുക സ്വാഭാവികമാണ്. പക്ഷെ ഞാനും ഹംസയുമൊക്കെ അധികം വിദ്യഭ്യാസമില്ലാതവരും പാവം ഗള്‍ഫുകാരുമാണ്. ഞങ്ങളില്‍ നിന്ന് 'പത്തു രൂപ ' പോസ്റ്റുകള്‍ തന്നെ പ്രതീക്ഷിക്കുന്നത് അധികമാണ്. നൂറും അധികവും ഒക്കെ 'സംഭാവന' നല്‍കുന്നത് വലിയ എഴുത്തുകാരാണ്. അവരെ ഞങ്ങളുമായി താരതമ്യം ചെയ്യരുത്. കാലികപ്രസക്തവും ചിന്തനീയവുമായ ഒരു പോസ്റ്റ്‌ ഇട്ടപ്പോള്‍ അദ്ധേഹത്തെ ഞാന്‍ അഭിനന്ദിക്കുകയാണ് ചെയ്തത് . അത് അദ്ദേഹത്തിനും അറിയാം.താങ്കളുടെ വികാരം മനസിലാക്കുന്നു. ഞാനൊരു വാഗ്വാദത്തിന് ഇല്ല. നമ്മെ ദൈവം അനുഗ്രഹിക്കട്ടെ !

ഹംസ പറഞ്ഞു...

@ ഇസ്മായില്‍ (തണല്‍)

വിശദീകരണത്തിലൂടെ കാര്യം മനസ്സിലാക്കി തന്നതിനു ഒരുപാട് നന്ദി. ഞാന്‍ ആദ്യം കരുതിയത് കഥയിലോ കഥാപാത്രങ്ങളിലോ എന്തെങ്കിലും പാകപ്പിഴവുകള്‍ വന്നുപോയോ എന്നാണ്!!. നന്ദി

@ ഏറക്കാടന്‍

ഉവ്വ് ഉവ്വാ…. അത് മനസ്സില്‍ വെച്ചാല്‍ മതി ആ “പൂജ“ ഹ ഹ ചിരിപ്പിക്കുന്ന ഒരു അഭിപ്രായം തന്നതിനു നന്ദി

@ മുഖ്താര്‍ ..: ഹായ് കൂയ് പൂയ് … നന്ദി. !!ബുദ്ധിയുള്ള കൂട്ടത്തില്‍ ആയതുകൊണ്ട് ഒന്നും പറയണ്ട പറഞ്ഞത് തന്നെ ധാരാളം..!! ഹായ് കൂയ് ..പൂയ്.!!

@ മനോരാജ് : നല്ല വാക്കുകള്‍ക്ക് നന്ദി

@ രാധികാ..: ആശംസകള്‍ക്ക് നന്ദി

@ ബിലാത്തിപ്പട്ടണം : തട്ടിപ്പിനും വെട്ടിപ്പിനും ഒരു തട്ടും മുട്ടും അത്ര തന്നെ കരുതിയുള്ളൂ..!! പിന്നെ കഥയുടെ രസത്തിനു കുറച്ചു മസാലകളും .തട്ടിപ്പിനോട് ഒരു വിധത്തിലും യോജിപ്പില്ല.!! മണ്ടന്മാരായ നാട്ടുകാര്‍ക്കിടയില്‍ ഒരു തട്ടിപ്പുകാരനു രക്ഷപ്പെടാന്‍ ഒരു പണിയും ഇല്ലാ എന്നതിനു ഒരു ചെറുകഥ.!! നല്ല ഒരു അഭിപ്രായത്തിനു നന്ദി.!!

@ വായാടി.. : മൌനവൃതം കഴിഞ്ഞു വന്നതല്ലെ. സുബൈദാടെ ചായക്കടയില്‍ നിന്നും ഒരു മസാല ദോശ കഴിക്കാം എന്നിട്ടാവാം അഭിപ്രായം.!! സുബൈദാക്ക് പിന്നെ എന്താ സംഭവിച്ചത് ? ആ ..!!ആര്‍ക്കറിയാം .!! ഞാന്‍ സ്കൂട്ടായി.!!

@ പട്ടേപാടം : നല്ല വാക്കുകള്‍ക്ക് നന്ദി

@ മന്‍സൂര്‍ : അഭിപ്രായത്തിനു നന്ദി

@ അനില്‍കുമാര്‍ : ആശംസകള്‍ക്ക് നന്ദി

@ സിനു : നല്ല വാക്കുകള്‍ക്ക് നന്ദി ..!! ആ പിന്നെ ശരി കുഞ്ഞാലന്‍കാക്കാടെ കാല ശേഷം സുബൈദ നമ്മുടെ കൂതറക്ക് തന്നെ !! പെങ്ങളെ അപേക്ഷ ഞാന്‍ സ്വീകരിച്ചു.!!

@ സിദ്ധീക്ക് തൊഴിയൂര്‍ : മാഷേ നല്ല വാക്കുകള്‍ക്ക് നന്ദി

@ കാര്‍നോരെ : നല്ല വാക്കുകള്‍ക്ക് നന്ദി

@ ഒരു നുറുങ്ങ് : ഇക്കാ നല്ല ഒരു അഭിപ്രായത്തിനും ആശംസകള്‍ക്കും നന്ദി

ഹംസ പറഞ്ഞു...

@ ദുല്‍ഫുക്കാര്‍ : ആദ്യ വരവിന് നന്ദി.!!

കമാന്‍റ് തന്ന ഇസ്മായിലിനെ പരിഹസിക്കുന്ന വിധത്തില്‍, കഥയെ കുറിച്ചു കൂടുതല്‍ അഭിപ്രായം പറയാതെ ഒരു കമാന്‍റ് തന്നതില്‍ ഒരുചെറിയ വിഷമം. ഉള്ളത് മറച്ചു വെക്കുന്നില്ല ..!! കാരണം പോസ്റ്റ് വായിക്കുന്നവര്‍ക്ക് ആ പോസ്റ്റിനെ കുറിച്ച് അവര്‍ക്ക് മനസ്സില്‍ തോനുന്ന ഒരു അഭിപ്രായം പറയാന്‍ ഇവിടെ സ്വാതന്ത്രിം ഉള്ളതുകൊണ്ട് . അഭിനന്ദനമായാലും ആക്ഷേപമായാലും അതു സ്വീകരിക്കാന്‍ ഞാന്‍ ബാധ്യസ്ഥനാണ്.!! ഞാന്‍ എഴുതിയ ആദ്യ കഥകള്‍ എല്ലാം വായിക്കുകയും അതിനെല്ലാം അഭിപ്രായം പറയുകയും ചെയ്തിരുന്ന ഇസ്മായി അപ്ര്തീക്ഷിതമായി എന്നില്‍ നിന്നും അതിലും മെച്ചപ്പെട്ടത് എന്ന് അദ്ദേഹത്തിനു തോനിയ ഒരു കഥ കണ്ടപ്പോള്‍ അതില്‍ അത്ദുതം കൂറിയതില്‍ തെറ്റൊന്നും കാണാന്‍ എനിക്ക് കഴിഞ്ഞില്ല.!! അദ്ദേഹം ഒറ്റവാക്കില്‍ അതു പറഞ്ഞതു കൊണ്ട് എനിക്ക് മനസ്സിലാവാത്തതില്‍ ഞാന്‍ അതിന്‍റെ വിശദീകരണം ചോദിച്ചു അവര്‍ അത് വിശദമായി ഉദാഹരണ സഹിതം പറയുകയും ചെയ്തു.!! എന്നെ വ്യക്തിപരമായും പരിചയമുള്ള ഇസ്മായില്‍ അത് മറച്ചുവെക്കാതെ അഭിപ്രയം പറയുകയും ചെയ്തു. !! അത് ഒരു വിവാധമാക്കണ്ട ആവശ്യം ഇല്ല.!!

ഒരു കള്ള സിദ്ധന്‍റെ കഥ അത്രയെ ഞാന്‍ ഇതില്‍ ഉദ്ദേശിച്ചുള്ളൂ.. ദയവു ചെയ്തു ഇതൊരു വിവാധമായി കണ്ടു. നമ്മള്‍ മറ്റുള്ളവരുടെ മുന്‍പില്‍ പരിഹാസരാവരുത്.!!

ദുല്‍ഫുക്കാര്‍ ഇനിയും വരണം ബ്ലോഗിലെ മറ്റു കഥകള്‍ വായിക്കണം അഭിപ്രായം പറയണം .. നന്ദി.!!

Zulfukhaar-ദുല്‍ഫുഖാര്‍ പറഞ്ഞു...

hamza ,
ismail

ക്ഷമിക്കുക. നീരസമുണ്ടായെങ്കിൽ
ഇസ്മയിൽ എഴുതിയതും ഹംസ എഴുതിയതും എല്ലാം ക്രിയാത്മകമായി എടുക്കുന്നു

തുടരുക

mazhamekhangal പറഞ്ഞു...

andhaviswasangalum anaacharangalum innum thudarunnu....

ശ്രീ പറഞ്ഞു...

വീരാന്‍ പാപ്പ കൃത്യ സമയത്ത് നമ്പരിട്ടതു ഏറ്റു.

വെള്ളത്തിലാശാന്‍ പറഞ്ഞു...

ഇതുപോലുള്ള മന്ത്രവാദികളുടെ പ്രധാന ആയുധം അവരുടെ നാക്ക് ആണ്.. അതൊക്കെ കേട്ട് വിശ്വസിക്കാന്‍ മണ്ടന്മാരായ കുറെ ആള്‍ക്കാരും.. കഥ നന്നായി..

ഷിജു പറഞ്ഞു...

ആദ്യമായിട്ടാണു ഇതുവഴിയെന്ന് തോന്നുന്നു,
വളരെ നല്ല ഒരു പ്രമേയം, നന്നായി അവതരിപ്പിക്കുകയും ചെയ്തു,

ഇനിയും വരാം.

കൊലകൊമ്പന്‍ പറഞ്ഞു...

കഥ നന്നായി ഹംസാ.. വളരെ പ്രസക്തിയുള്ള ഒരു വിഷയം തന്നെ ...

"ചോറ് തിന്നുന്ന കൈകൊണ്ട് കോഴിയെ ആട്ടിയ പോലെ "
"അടുപ്പത്തിരിക്കുന്ന പൊറോട്ടക്കല്ലില്‍ തെട്ടത് പോലെ"

പ്രയോഗങ്ങള്‍ എല്ലാം ഭംഗിയായി !

കഥയുടെ ഒഴുക്ക് നന്നായെങ്കിലും അവസാനം എവിടെയോ പെട്ടന്ന് ഒരു ഡീവിയേഷന്‍ അനുഭവപ്പെട്ടു എന്നൊരു തോന്നല്‍ .. ബോധപൂര്‍വം ആണെന്ന് കരുതുന്നു

ഇനിയും ഒരുപാട് എഴുതുക

ഗീത രാജന്‍ പറഞ്ഞു...

സത്യം പറഞ്ഞാല്‍ നമ്മുടെ സമൂഹത്തിന്റെ ഭാഗമായീ മാറിയിരിക്കുന്നു ഇത്തരം അനാചാരങ്ങള്‍...
നന്നായീ അവതരിപ്പിച്ചിരിക്കുന്നു...
ആശംസകള്‍

സുനില്‍ ‍‍‍പെരുമ്പാവൂര്‍ പറഞ്ഞു...

കുഞ്ഞാലന്‍കാക്ക അലുമിനിയ കലവും എടുത്ത് പശുവിന്‍റെ അടുത്ത് ചെന്നു അകിടില്‍ വെള്ളം തെളിച്ച് പാല്‍ ചുരത്താന്‍ തുടങ്ങി..!

ഹംസ പറഞ്ഞു...

@ ദുല്‍ഫുക്കാര്‍ : നന്ദി

@ മഴമേഘങ്ങള്‍ : നന്ദി

@ ശ്രീ : വീരാന്‍പാപ്പ ആരാ മോന്‍ !! നന്ദി

@ വെള്ളത്തിലാശാന്‍ : നന്ദി

@ ഷിജു : ആദ്യ വരവിനു അഭിപ്രായത്തിനും നന്ദി

@ കൊലകൊമ്പന്‍ : നല്ല വാക്കുകള്‍ക്കും .തുറന്ന ഒരു അഭിപ്രായത്തിനും നന്ദി

@ ഗീത : നന്ദി

@ സുനില്‍ : ആദ്യ വരവിനും അഭിപ്രായത്തിനും നന്ദി

lekshmi. lachu പറഞ്ഞു...

അനാചാരങ്ങളും അന്തവിശ്വാസങ്ങളും നമ്മുടെ നാട്ടിൽ നിന്നും ഒരിക്കലും തുടച്ച് മാറ്റാൻ പറ്റില്ല എന്നത് സത്യമാണ്.. നന്നായി എഴുതി .

ഒഴാക്കന്‍. പറഞ്ഞു...

"സുഖമില്ലാതെ കിടന്നിരുന്ന സുബൈദക്ക് കൂടുതല്‍ സംസാരിക്കാന്‍ കഴിയാത്തത് കൊണ്ട് അവളെ കൊണ്ട് കഴിയുന്ന വിധത്തില്‍ അരക്കു താഴെയുള്ള തെറിവാക്കുകള്‍ മാത്രം വിളിച്ചു പറഞ്ഞു കൊണ്ടിരുന്നു."

അത് പഞ്ച് :)

ജീവി കരിവെള്ളൂർ പറഞ്ഞു...

"ഗള്‍ഫില്‍ പത്തു കൊല്ലം നിന്നിട്ടും ഉണ്ടാക്കാന്‍ പറ്റാത്തത് വീരാന്‍പാപ്പ നാട്ടില്‍ നിന്നും ഒന്ന് രണ്ട് വര്‍ഷത്തിനുള്ളില്‍ ഉണ്ടാക്കുകയും ചെയ്തു." ഉണ്ടാക്കും ഉണ്ടാക്കിയില്ലെങ്കിലല്ലേ അത്ഭുതം ! അതു പക്ഷേ ,അങ്ങേരുടെ കഴിവോ നാട്ടുകാരുടെ കഴിവുകേടോ .നന്നാവില്ല ഇന്നാട്ടുകാര്‍ നന്നാവില്ല .എന്ന് ഈ വിധം അന്ധവിശ്വാസമില്ലാതാവുന്നോ അന്നേ നാട് നന്നാവൂ .അപ്പോ ബാധകള്‍ക്ക് കയറാന്‍ സുബൈദാന്റെ ജീവിതം പിന്നെയും ബാക്കി ...

OAB/ഒഎബി പറഞ്ഞു...

ഹംസയൂടെ ഒരു ക്ഥ വന്നെങ്കില്‍ ഒരു കമന്റെഴുതാമായിരുന്നു എന്ന് കരുതി കാത്തിരിക്ക്യാണ് ബ്ലോഗേഴ്സെല്ലാം. അതായത് ഞാനെത്തുമ്പോഴേക്കും കുറേ അകലെ എത്തിക്കാണും ക്യ്യുവിന്റെ നീളം എന്നാ പിന്നെ തെരക്ക് തീരട്ടേന്ന് ഞാനും വക്കും.

അപ്പൊ കഥേനെ കുറിച്ച് പറയാം. പറഞ്ഞത് പുതു കഥയല്ലെങ്കിലും അവതരണോം ക്ലൈമാക്സും കലക്കി. പിന്നെ കോഴിക്കോട് എന്ന് ബോര്‍ഡ് വച്ച് കൊയിലാണ്ടീ പോയാ വണ്ടി നിര്‍ത്ത്യേത്. അങ്ങനെ ഒരു തകരാറും മോശമായില്ല.

ഓ:ടോ:‌-പിന്നെ, ചിലയാളുകള്‍ വിമര്‍ശിക്കാനായ് ജന്മം എടുത്തവരാ. അവരത് മാത്രം തെരഞ്ഞ് നടക്കാ. അയിന്റെ ഏടേല് വന്ന കാര്യം മറക്കേം ചെയ്യും...

അപ്പൊ പിന്നെ,,,

Anees Hassan പറഞ്ഞു...

ഈ വഴി വന്നു .തുടര്‍ന്നും വരാം.സ്വയം അടയാളപ്പെടുതലുകള്‍ തുടരുക

ജയരാജ്‌മുരുക്കുംപുഴ പറഞ്ഞു...

valare nalla avatharanam..... aashamsakal.......

ഹംസ പറഞ്ഞു...

@ ലക്ഷ്മി

@ ഒഴാക്കന്‍

@ ജീവി കരിവെള്ളൂര്‍

അഭിപ്രായങ്ങള്‍ക്ക് നന്ദി

@ ഒ എ ബി.: കുറച്ചു നേരം ക്യൂ നിന്നിട്ടാണേലും അഭിപ്രായം പറയാതെ പോവരുതെ.!! നിങ്ങളെയൊക്കെ പ്രതീക്ഷിച്ചിട്ടു തന്നയാ ഞാന്‍ ഇവിടെ കഴിയുന്നത് , നിങ്ങള്‍ വന്നൂ എന്നറിയാനെ അഭിപ്രായം പറയാന്‍ പറയുന്നത്.!!

വിമര്‍ശനം വേണം ബഷീര്‍ക്കാ പക്ഷെ ആ വിമര്‍ശനം പോസ്റ്റിനെ കുറിച്ചായിരുന്നു എങ്കില്‍ സന്തോഷം ആവും. ഇക്ക പറഞ്ഞ പോലെ വന്ന കാര്യം മറക്കുമ്പഴാ പ്രശ്നം .!! നല്ല ഒരു അഭിപ്രായം തന്നതിനു നന്ദി

@ ആയിരത്തിയൊന്നാം രാവ്

അടയാളപ്പെടുത്തിയതിനു നന്ദി

@ ജയരാജ്

നല്ല വാക്കുകള്‍ക്ക് നന്ദി

jyo.mds പറഞ്ഞു...

നന്നായിരിക്കുന്നു

Akbar പറഞ്ഞു...

സിദ്ധന്മാര്‍ അങ്ങിനെ എത്ര.

Anil cheleri kumaran പറഞ്ഞു...

ഇവരെല്ലാം ചോറ് തിന്നുന്ന കൈകൊണ്ട് കോഴിയെ ആട്ടിയ പോലെ ചായക്കടയുടെ ചുറ്റുവട്ടത്തു തന്നെ ചുറ്റിപറ്റിയുണ്ടാവും.!!

അതങ്ങട് കലക്കി.

ജോയ്‌ പാലക്കല്‍ - Joy Palakkal പറഞ്ഞു...

ഹൃദയം നിറഞ്ഞ ആശംസകള്‍!!!
നല്ല പ്രമേയം..രസികന്‍ അവതരണം...

തുടരട്ടെ...

ഗീത പറഞ്ഞു...

വീരാന്‍ പാപ്പയാണ് താരം. ഒരു മൊന്ത വെള്ളം കുടിക്കേണ്ടി വന്നെങ്കിലെന്ത്? എത്ര സുന്ദരമായി തലയൂരി വന്നു!

വീരാന്‍ പാപ്പയെ സൃഷ്ടിച്ച ഹംസ സൂപ്പര്‍ താരം.

the man to walk with പറഞ്ഞു...

:)
rasichu

Unknown പറഞ്ഞു...

ഹംസേ അഭിനന്ദനങ്ങള്‍!,
പത്രത്തില്‍ (ഇന്ഫോ മാധ്യമം) കൂട്ടുകാരനെ കുറിച്ച് കണ്ടിരുന്നു

C.K.Samad പറഞ്ഞു...

ഹംസേ വളരെ നന്നായിട്ടുണ്ട്. മന്ത്രവും, മാരണവും, കൂടോത്ര കഥകളും എല്ലാം കേട്ടിരിക്കാന്‍ വളരെ ഇഷ്ട മാണ്.
മുണ്ടംപടിയിലെ ഔല്യെപാപ്പ

Anees Hassan പറഞ്ഞു...

പുതിയ പോസ്റ്റുകള്‍ ?

ഹംസ പറഞ്ഞു...

@ jyo

@Akbar

@ കുമാരന്‍ | kumaran

@ ജോയ്‌ പാലക്കല്‍

@ ഗീത

@the man to walk with

വായനക്കും അഭിപ്രായങ്ങള്‍ക്കും നന്ദി.!!

@തെച്ചിക്കോടന്‍: അഭിനന്ദനങ്ങള്‍ക്ക് നന്ദി

@SAMAD IRUMBUZHI : ആദ്യ വരവിനും അഭിപ്രായത്തിനും അന്ദി

@ആയിരത്തിയൊന്നാംരാവ് : ഇതാ അടുത്ത പോസ്റ്റ് ഉടന്‍

എല്ലാവര്‍ക്കും നന്ദി

അബ്ദുണ്ണി പറഞ്ഞു...

കലക്കി - വരയും വരികളും ..

Ashly പറഞ്ഞു...

ഹ..ഹ.ഹ.....ആ നമ്പര്‍ കൊള്ളാം !!!

പിന്നെ, ആ പടംസ്, എങ്ങനെ ? സ്വയം വരച്ചതാ ?

ഭാനു കളരിക്കല്‍ പറഞ്ഞു...

hamsa ngalu puli thanne. katha assalaayi

അജ്ഞാതന്‍ പറഞ്ഞു...
രചയിതാവ് ഈ അഭിപ്രായം നീക്കംചെയ്തു.
അജ്ഞാതന്‍ പറഞ്ഞു...

ഹോ എന്താ പറയാ ...കഥയ്ക്ക് നല്ല ആഴത്തിലുള്ള വേരുകള്‍ ഉണ്ട് ...എത്ര എത്ര ബന്ധുക്കള്‍ ശത്രുക്കള്‍ ആയിട്ടുണ്ട്‌ ....കൂട്ടുകാരും അയല്‍വാസികളും തെറ്റിപിരിഞ്ഞിട്ടുണ്ട് ...ഇങ്ങനത്തെ വീരാന്‍ബാപ്പമാരുടെ നുണ പ്രവചനങ്ങള്‍ കേട്ടു ....എന്ത് ചെയ്യാന്‍ ...ആളുകളുടെ തലയില്‍ ആള്‍ താമസ്സമില്ലെങ്കില്‍ ഇതൊക്കെ ഇനിയും തുടരും ...സത്യത്തെ പഠിക്കാന്‍ ശ്രമിക്കതതാണ് ഒരു ശക്തമായ കാരണം ഇത്തരം വിശ്വാസങ്ങള്‍ക്ക് പിന്നില്‍ ...നല്ല അവതരണ ശൈലി ....ആശംസകള്‍ !!!!

Shabna Sumayya പറഞ്ഞു...

"അകത്തേക്ക് കയറിയ വീരാന്‍പാപ്പ മേശപ്പുറത്ത് വെച്ചിരുന്ന ഒരു മൊന്ത വെള്ളം ഒറ്റവലിക്ക് കുടിച്ച് തീര്‍ത്തു. !!" ഈ ആശ്വാസം കൊള്ളല്‍ പക്ഷെ അധികമൊന്നും നീണ്ടു പോവുകയില്ല... ചിന്തിക്കുന്ന യുക്തിബോധമുള്ള ഒരു സമൂഹം തീര്‍ച്ചയായും ഇതിനെതിരെ പടപോരുതും... ഇത്തരം അനാചാരങ്ങളെ ഇല്ലായ്മ ചെയ്യും....!!!

Mufeed | tech tips പറഞ്ഞു...

ഇടക്കിടെകൊടുക്കുന്ന എക്സ്ക്ലമേഷന്‍ പോയിന്‍റ്സ് ഒഴിവാക്കാന്‍ നോക്കണേ. എഴുത്തിനെക്കുറിച്ചും ശൈലിയെക്കുറിച്ചും പ്രതേകിച്ച് പറയണ്ടെല്ലോ. GREAT!

habeeb Tirurangadi, പറഞ്ഞു...

ഹോ.. കഥ എനിക്കിഷ്ടപ്പെട്ടു..അതിലും എനിക്കിഷ്ടപ്പെട്ടത് നൌഷാദ് അകംബാടതിനു മരുന്നായി കൊടുത്ത ലിങ്കിലൂടെ സ്വയം ചികിത്സിക്കാന്‍ ശ്രമിച്ച കുറുക്കു ബുദ്ധി.. സമ്മതിച്ചിരിക്കുന്നു .. നിങ്ങളുടെ രോഗം എന്നെ പോലെയുള്ളവരിലൂടെ മാറി കിട്ടുമല്ലോ... തുടര്‍ന്നും എഴുതുക... ഇതുപോലെ ലിങ്കുകള്‍ ഇട്ടു കംമെന്റ്സുകളും..